Dota 2 The International-ah sum a tam
Multiplayer online battle arena (MOBA) game lar ber zinga mi Dota 2 esport tournament kumtina buatsaih ṭhin The International, kumina buatsaih leh turah sum a tam dawn.
Nimin report-a a lan dan chuan prize pool-ah $maktaduai 34.4 (Rs Vbc 255 vel) a tlingkhawm tling tawh a, hei hi a la pun rin a ni bawk. Nikum khan he tournament-a sum lengvak hi $mtd 34.3 vel a tling a, chu chu Dota 2 The International record a ni a, kuminah hian he record hi an khum der tawh a ni.
Hripui leng vangin tournament hi tiam chin awm loin an sawn hla a, buatsaih hun tur la hriat loh mah se prize pool tur hi a pung chak hle. Prize pool hi Dota 2 Battle Pass leina aṭanga tlingkhawm a ni a, Battle Pass sales 25% hi direct-in tournament prize pool-ah a lut nghal a ni. Battle Pass hi an hralh nasa hle tihna a ni a, September 19 thleng hian a lei theih dawn niawm tak a ni a, chumi awmzia chu hemi ni thleng hian prize pool hi a la pung thei tihna a ni.
Dota 2 developer Valve chuan tournament neih hun tur hi an la puang lo a, Dota Pro Circuit (DPC) neih hun tur pawh an la punag lo. Kuminah hian an buatsaih thei lo hial mai thei.