September thla aṭangin Praise On 2024

SYNFO leh Central Kritian Ṭhalai Pawl (CKṬP) buatsaihin Praise On (Mal zai intihsiak) chu September 3-November 22, 2024 chhung hian neih a ni leh dawn.

Praise On-ah hian lawmman ṭha tawk tak siam a ni dawn a, 1-nain Rs. 1,20,000, 2-nain Rs. 70,000 leh 3-nain Rs. 50,000 an dawng ang. Top 10 chinin Rs. 10,000 leh Top 5 chinin Rs. 15,000 an dawng dawn bawk a ni.

Intihsiaknaah hian KṬP member tawh phawt chu an tel thei ang a, Branch KTP hriatpuina lehkha nen audition hmachhawn tur a ni ang. September 3, 2024 zanah Upper Republic Kohhran Hall-ah Pathian hnena 'Praise On' hlanna hun hman a ni ang. Audition bakah 1st round, 2nd round, Top 10 leh Top 5 inelna te a awm ang a, Grand Finale chu November 22, 2024 zanah hman a ni ang

Praise On Audition hi hmun hrang hrangah neih a ni dawn a, September 6-ah Champhai Venglai Kohhranah, September 10-ah New Serchhip Kohhranah, September 14-ah Kolasib Hmar Veng Kohhranah, September 21-ah Lunglei Bazar Veng Kohhranah leh September 25-28 chhungin Tuikual Kohhranah te neih a ni dawn a, tel tumte tan mahni remchanna hmun berah audition hi tih theih a ni ang. Registration hi Google Form hmanga tih tur a ni a, Branch KṬP kal tlanga tih tur a ni.