SZA-in live performance chawlhsan rih dawn

R&B singer-songwriter, SZA chuan live performance lam chawlhsan rih a tum tih a social media kaltlangin a puang.

SZA hian August 5, 2024-a Montreal-a Osheaga Festival hnuah, nimin khan he thu hi a X-ah sawi a, "Nimina mi kha hun eng emaw chen atana ka show hnuhnung ber tur a ni rih ang," a ti. Kum 2023 kumtir lam aṭang khan SOS Tour neiin, show 63 zet a nei tawh a ni. Heng bakah music festival eng emaw zatah inlan bawkin, heng zingah hian Chicago-a Lollapalooza, UK-a Glastonbury bakah Osheage festival te hi an tel. Stage lamah inlan dawn tawh rih lo mah se, a fan-te tan music thar chhawp chhuah erawh a tum tho. Lollapalooza-ah khan a hla la tihchhuah loh perform-in, a hla thar hi tih chhuah thuai a ni dawn tih a sawi a ni.