Harry Styles leh Columbia Records ten USD mtd 80 hu inremna an ziak

One Direction member, Harry Styles leh Columbia Records chuan record deal an ziak a, an record deal ziah hi USD mtd 80 hu a ni.

He inremna awmzia chu Harry Styles hian amahin album a siam reng reng, Colombia Records kaltlanga siama tihchhuah tur a ni dawn a ni. Hemi atan hian Columbia Records hian Harry Styles hnenah USD mtd 80 an pe ang.

Harry Styles hi recording label hrang hrangin an rim a, a tawpah Colombia Records hian a chang ta a ni. Apple chuan Harry hi a album pakhat atan USD mtd 25-in an dawr a, mahse album tih≠chhuah zel duh ta se, an tihsak zel thei ang em tih an sawi theih loh avangin HarryStyles hian a hnar a, Colombia Records-ah hian a inphal ta zawk a ni.

Kan hriat angin One Direction member-te hian an group ang chuan music an chawlhsan rih a, anmahni duh lam lam an hawi thei a ni. Harry Styles pawh hian music an chawlh≠san rih chhung hian a duh ang ang a ti thei a, solo lama kal a tum a, chumi tur chuan Colombia nen hian an inrem ta a ni. Tunah hian amah tak hi chuan music lam a khawih rih lo a, Christopher Nolan-a film direct, Indopui II chanchin, Dunkirk film a chang mek. Harry hian engtikah nge album a tihchhuah ang emaw, engtik aṭangin nge a buaipui
ṭan ang tih erawh sawi a awm lo.

Zaithiam leh recording label ten contract an ziah hian, zaithiamte hian an label hnuai
aṭang lo chuan music an tichhuak thei tawh lo. An hlaah te zaithiam dang lo zaipui ta se, kha hla bikah kha chuan an label ten a percent-in hlawkna an hmu ṭhin. Label hnuaia zaithiamin album lo siam≠in lo tichhuak dawn ta se, a album siamna senso te an tumsak vek a, album k‚wm, a k‚wm cheibawl dan zawng zawng nen. A semchhauh leh tihdarh chungchangah pawh an inremnain a huam chuan a promotion zawng zawng nen an tumsak vek ṭhin. Album an ti≠chhuak a, an hralh chhuah hnuah zaithiamte hian royalty an dawng ve leh a ni. Copyright pawh recording label te kutah a awm vek ṭhin.