US leh Japan inkarah cable an dah fel

Japan chuan internet chak lehzual a neih theihna turin US leh Japan inkar, Pacific tuipui chhungah cable an dah a, an cable dah hi Ningani aṭang khan a hman theih ṭan.

Cable dah tur hian Google chu a khaipa ber a ni a, hei bakah hian company dang panga an tel bawk. He cable siam nan hian USD mtd 300 sen a ni a, US-a Oregon
aṭangin cable hi thlung ṭanin, Pacific tuifinriat hnuaiah a kal a, Japan-a Chiba leh Mie-ah te a chhuak a ni.

Europe leh US inkar, Atlantic tuipuiah te pawh undersea cable hi dah a lo ni tawh a, hei bakah hmun dang dangah dah a lo ni tawh ṭhin a, mahse tuna mi aia chak hi a la awm lo. A speed hi 60 terabytes per second a ni. Mizorama internet speed an chak ṭha, download speed ṭha kan sawite hi 512 megabytes per second te a ni ve thei. Megabytes 1000 hi Gigabytes a ni a, Gigabytes 1000 chu terabytes a ni. A inchak hleih ve dawn hle. Cable phum hna hi kum 2014 August thla aṭang khan an thawk ṭan a ni.

Faster Cable system hi Japan chauh hman tura tih a ni lo a, Japan aṭang hian Asia hmun dangah te pawh an hmang dawn a ni. Tuipui hnuaia an phum cable-ah hian, a frequency a chak reng theih nan mÍl 37 danah a tichak thartu an dah zel a ni. US aṭanga Japan thleng hian mÍl 5,600 zeta thui a ni.