Billboard 200: No 1-ah 'Tortured Poets Department' a rawn kir

Billboard 200 album chart-ah Taylor Swift album, "The Tortured Poets Department" chu No 1-ah a rawn kir a, a zawn loin kar 13 chhunga chart chung ber dinhmun a luah thei ta.

April 12, 2024-a tlangzarh "The Tortured Poets Department" hi tlangzarh aṭangin a zawnin kar 12 chhung No 1 dinhmun a hauh a, chart hmasaah khan No 4-ah tla thlain, chart tharah a rawn invawrh chho leh a ni. Kar liam ta chhung khan US-ah equivalent album unit 71,000 neih belh lehin, he album-a hla 31-te chuan on-demand official stream mtd 77.73 hu an nei a, album sales hi 12,000 a la tling bawk.

Morgan Wallen "One Thing at a Time" pawh No 6 aṭangin No 2-ah a rawn chho ve leh bawk a, equivalent album unit 64,000 a nei. Wallen hian he album hi chart-ah a zawn loin kar 13 chhung No 1 a lo nihpui ve tawh bawk. Zach Bryan "The Great American Bar Scene" pawhin equivalent album unit 61,000 neiin No 3-ah a rawn lang ve leh bawk. Top 5-ah hian Chappell Roan "The Rise and Fall of a Midwest Princess" leh Billie Eilish "Hit Me Hard and Soft" an lang bawk a ni.