Pentecost Fak Zai top 20 intihsiakna ṭan dawn

Mizoram UPC General PYD leh Literature & Publication Board-te ṭangkawpin an buatsaih, mal zai intihsiakna Pentecost Fak Zai chu zanin dar 8:00 hian top 20 intihsiakna, zan khatna neih a ni dawn. Intihsiakna hi Mizoram UPC Conference Hall, Zonuamah neih a ni ang.

Fak Zai audition round hi online-a neih niin, top 20 intihsiakna hmachhawn turte hi thlanchhuah nghal an ni. Top 20 intihsiakna hi music track nen neih a ni ang. Pentecost Fak Zaiah hian Zonet chu media partner niin, anni hian Zonet Rimawi-ah live-in inelna hi an pe chhuak ṭhin ang a, General PYD YouTube channel lamah live-in pekchhuah a ni ṭhin dawn bawk.

Rev. Dr. Ngurthanpara Sailo, Upa F. Vanlalchama leh C. Lalmuanpuii te chu judge an ni a, host hi Lalawmpuii leh Emilia Lalnunpuii te an ni thung.