Green Day member-te Deadpool leh Wolverine angin inthuam

"Deadpool & Wolverine' film a lar bawk a, August 5, 2024 zana Queens, New York-a Citi Field-a an concert-naah Green Day member pahnih chu Deadpool leh Wolverine angin an inthuam.

Green Day hian an classic album, 'Dookie' (1994) leh 'American Idiot' (2004) anniversary pualin tour an nei mek a, New York-a an perform ṭum pawh hian hla 37 zet an play a ni. An hla tawp ber tur an sak dawnah member-te hi Marvel character anga rawn inthuamin, "Good Riddance (Time of Your Life)" an perform. Bassist Mike Dirnt chu Wolverine leh drummer Tre Cool chu Deadpool angin an inthuam a, an frontman Billie Joe Amstrong pawhin a lo hlimpui hle.