2024 MTV VMA nomination puang

2024 MTV Video Music Awards nomination chu puan a ni ta a, tunlaia boruak nei lian Taylor Swift chu langsar berin nomination 10 a hmu a, Post Malone chuan dawtin nomination pakua a hmu ve bawk.

Ariana Grande, Eminem leh Sabrina Carpenter-ten nomination paruk ṭheuh hmuin, nomination panga hmu SZA leh Megan Thee Stallion ten an dawt. LISA, Olivia Rodrigo leh Teddy Swims te chuan nomination pali ṭheuh an hmu bawk a ni.

Kumin VMA nomination-ah hian mi thar an lang hnem hle a, first-time nominee hi 29 an awm a ni. An zingah hian Sabrina Carpenter leh Teddy Swims bakah Benson Boone leh Tyla te an tel. First-time nominee zingah hi Morgan Wallen pawh a tel ve bawk.

2024 MTV Video Music Awards hi September 10, 2024 hian New York-a UBS Arena-ah neih a ni dawn. Kumin VMA-ah hian Bruce Gillmer leh Jesse Ignjatovic te chu executive producer an ni dawn a, khawvel puma music lover-te tan ennawm ropui tak buatsaih an tiam a ni.