BTS Suga-a'n thupha a chawi

BTS member, Suga chu zu in chunga electric scooter a khalh avangin pawisa chawitir a ni a, he thil thleng vang hian Suga chuan a social media-ah thupha a chawi a, a fan-te tana chanchin lawmawm lo tak hriat tur a nei chu pawi a ti hle tih a sawi.

Rapper Suga chuan traffic rule a bawhchhe ngei tih sawiin, zu rui chungin electric scooter khalh khap a ni tih a lo theihnghilh tih a sawi. A in kawta a scooter a park tur chu tluin, a bula police officer lo awm chuan Suga hi breathanalyser test a neih tir a, blood alchohol level hi 0.08% niin test a patlang lo a ni. Hei vang hian a driving licence an laksak bakah sum chawitir a ni bawk. Suga chuan a chet danah mawhphurhna a la tih sawiin, a fimkhur lo leh dan zawm loa a thiltih avanga an rilru a tihnat te chungah ngaihdam a dil a, hetiang thil hi a thleng tawh ngai lo ang tiin a tiam zui bawk. Suga hi sipaiah a la ṭang mek a, service laia zu in, gambling leh danin a phal loh an tih hian warning pein an service hi ni nga zelin pawhsei sak an ni ṭhin bawk.