Rachel-i Mimal music video hmasa ber

Nikum Krismas dawn khan David Vanlalpeka nen, Feli Thangluah nen Krismas music video nalh zet mai an siam hnuah, engmah ti loin a ngawi mai mai emaw kan tih chhungin Mizo Idol 2015-a Top 4-a tel pha Rachel-i chuan music video a rawn peih leh ta.

Rachel-i music video 'Ka phur zo lo' tih hi a mimala a music video hmasa ber a ni a, hei hian a hmalam hun zel a hril thui viau mai thei. Venghlui nula, nungchang
ṭha, duhawm leh hlim thei tak hi Mizo Idol 2015-ah khan a zaithiam dan kan hre tawh a, sawi belh tehchiam a ngai lo. Hei bakah Krismas hla aṭang khan Idol hnuah pawh zai lamah hma a sawn nasatzia kan hriat belh a nih kha. Tuna a music video pawh belh≠chian a dawlin, a aw a nalh danglam leh hle.

'Ka phur zo lo' hla hi T. Zorampela hla phuah a ni a, ani hi Mizo band hlawhtling hmasa leh tunthlenga music lama influence la nei lian tak, Zodi-a an guitarist kha a ni a, a hla phuah tawhte a ṭha hlawmin belhchian a dawl hle zel. A phuahtu sawi danin he hla lo pian chhan hi True Story a ni a, a hla copy pawh hi a phuah chhan hnenah hian a pe thlap nia hriat a ni. A phuahtu rem tihna in a lungkuai zawng leh ngaihnobei takin music arrangements siam a ni. Zorampela'n a hla Rachel-i a saktir phal avang hian Rachel-i hi a lawm hle.

He Music Video Producer hi Te-a Boitlung a ni a, lengzem hla a promote vawi khatna a ni. BZA, Blue Wave Recordings chuan a music a arrange bakah he studio-ah hian record nghal a ni. Videography lam chu Music Video tam tak lo buatsaih tawh ṭhin leh tunlaia ṭha berte zinga mi Te-a Chhakchhuak kut chhuak a ni. Indoor shooting hi D & M Karaoke Parlor & Restaurant-a neih a ni a, Outdoor leh scene ṭhenkhat hi Silchar leh Vairengte lama shoot a ni daih thung. He music video hi MDM Library-ah pawh dah tawh a ni.