Radcliffe-a'n a nun phawrh a duh lo

Milar tam takte tihdan ni tho mah se, ṭhenkhat chu inthup thei bik an awm a, chung zingah chuan Daniel Radcliffe pawh kan telh thei ang. Radcliffe hian a mimal nun mipui hriata pholan leh tlangzarh vak vak a duh lo.

Daniel Radcliffe hi a naupanlai aṭangin film-ah a lo chang tawh
ṭhin a, a rawn lar chhuahna leh a hausakna chu Harry Potter film kha a ni. Khawvelin a hming an hria a, a lar em em nachung hian a mimal nun erawh khawvel chuan a hriatsak lo hle, ngaihzawng a neih hmasak ber tihte engmah hriat a ni lo.

Radcliffe chuan nun pangngaia a nun hman a duh a, milar tam tak anga nun a tum lo tih a sawi a, a mimal chanchin, a ngaihzawng leh a thil tih eng eng emawte han khawvel hriata puanzar vak vak a duh lo a, ama mimal thil chu zep zel zawk a duh. Tunah hian RErin Darke nen an inngaizawng a, kum 2014-a inngaizawng tawh kha an ni a, mahse inneih erawh an la hmanhmawh vak lo.