'Nun thlaler' lehkhabu chu a rawn chuak e

Mizo lekhabu thar 'Nun Thlaler" tih chu Inrinni chawhnu dar 2 khan I&PR Conference Hall-ah tlang zarh a ni ta. Vanduaina avanga 'nun thlaler' hmang Lalhlimpuia (Ate-a) ziah lehkhabu hi Lalnghinglova Hmar, Vanglaini joint editor-in a tlangzarh a; Lalrammawia Ngente-in tlangzarh inkhawm kai≠hruaiin Lalnunpuia Hrahsel chuan he lehkhabu hi a thlirlawk a ni.

He lehkhabu ziaktu Lalhlimpuia (Ate-a) hi a naupanlaiin vanduaina a tawk a, a natna an enkawl fuh loh avang≠in midang a phak lo a, a taksa a thunun thei lo a, pen pawh a h˚m thei lo a,
ṭawng lamah harsatna a nei bawk. Chuti chung chuan thu leh hla lamah a tui em em a, kum sarih chhung he lehkhabu hi a ziak a ni.

Chhangurkawn, Luangmual tlangval Ate-a hian lekhabu a ziah chhan chu, harsatna tawk chung pawhin mi tih ang a ti ve thei a ni tih lantir nan leh, midangte tana chona ni tura a ziah a nih thu a sawi. He lehkhabu hi article leh thawnthu tawi dah khawmna niin, a tam zawk hi chu rualbanlo lam hawi a ni.

Rualbanlo ni si a, khawvelin a ngaihsan leh a hriatreng chanchin tawi te te bakah Mizo zingah ngei pawh hetiang mi ropui tak tak chanchin tarlan a ni. Hei bakah hian khawvelin sakhuana kan kal sualpui nasatzia chhuizauna tih lan tel niin, a ngaihnawm hle. He lehkhabu hi phek 159-a chhah niin a man pawh Rs.80 chauh a ni a, Synod Book Room, Baptist Bookroom leh Aizawl lehkhabu dawr ṭhenkhatahte leih thei a ni.