Lady Gaga a ṭawng chhuak

Dalai Lama nena an thlalak tihchhuah a nih hnuah Chinese fan ten Lady Gaga an sawisel nasa hle a, China phei chuan an rama Lady Gaga music hralh chhuah leh tihdarh a khap phah hial. Hetiang thil hnuah hian Lady Gaga chuan a thil tih chungchang a sawi chhuak.

Gaga chuan, "Pumkhat anga awm kan tum tlat tur a ni. Kan ṭhiante chungah chauh ṭhat chhuah loin, kan hmelmate chungah pawh ṭhat kan chhuah tur a ni," a ti.

Lady Gaga leh Dalai Lama te hi US Conference of Mayors, Indianapolis-ah an inhmu a, an inkuah a, thla an la dun a ni. He thil hian China sorkar ngÍng a chhun hle a, a sawisel. Gaga mai bakah Bon Jovi, Selena Gomez, Maroon 5 Bjork leh Oasis te pawh Dalai Lama nena an inlaichinna thil avang hian an chungah a thin a lo rim tawh a ni.