Rebecca Zorintluangi Mizo Idol 2015 a ni tih a hriat

Mizo Idol 2015 Rebecca Zorintluangi chu a nihna kha a phu a ni tih nemngheh nan Hontrade International Ṭhazual Faknaah pakhatna a ṭum hnih nan a rawn ni.

Mizo Idol a nih aṭanga a music video hmasa ber, pakhatna a nihpui theih hi March thlaa a tihchhuah chauh kha a ni. Mizo Idol-a thlan a nih kha nikum August thla daih tawh kha a ni. Music video a ti≠chhuak har hle a, a chhan ber pakhat chu Rebecca Zorintluangi hi zirlai a nih vang a ni. Sairang nula hi PUC-ah kalin hostel-ah a awm char char a, hei vang hian music video pawh a buaipui lawk hman loh phah a ni.

'Kraws mak tak chu' tih hla, pakhatna a nihpui mek hla hi Mavuana lehlin a ni a, Blue Waves-a record a ni a, video hi SVP kut≠chhuak a ni thung. He video a tihchhuah tirh khan Rebecca-i hian hun chÍp tak kara buatsaih a ni tih a sawi a, a video a ṭha a, theihtawp chhuaha a siam a ni tih sawiin, "Pathian fakna leh chawimawina a ni a, Pathian pawhin a hman ka ring," a tih ang ngeiin Pathianin a chawisang a ni. A video a hmuhnawm hle bawk.

Amtea hla 'Ka thlang ber che' tih chu ṭhain amah zaithiam mah se, a hmaah Rebecca-i a awm tlat avangin pakhatnaah a la sawn chho thei rih lo. Amtea hla hi pahnihnaah bawk a awm leh a, tun hi pa≠hnihnaa a vawi hnih awmna a ni ta.

KṬP General Conference 2014-a hit zeta lo zai tawh, Stacy chu palina aṭangin pathumnaah a rawn invawrh chho. A music video a hit hle a, worship music pangngai a ni a, Mizotena a ang kan la neih tam loh pawl tak a ni. Stacy hla 'Khawngaihna Thing Kraws' hi pakhatna thleng cho thei khawpa hla ṭha leh nalh a ni.

Hontrade International Ṭhazual Fakna

1 Rebecca Zorintluangi - Kraws mak tak chu

2 Amtea - Ka thlang ber che

3 Stacy VL Muanpuii - Khaw≠ngaihna Thing Kraws

4 Chris MS Dawngkima - Thinlungin ka fak ang che

5 Pensy- Duhthlanna ruamah

6 Betea - Ka tan I tuar

7 Estheri Khiangte -

Hmangaihna Hlu

8 Cindy Lalramhlimawmi -

Aw Thlarau Thianghlim

9 Hlimhlimi - I pan ang u

10 Zorinsanga Sailo -

Chhandamtu Ngilnei