Drake-a 'Views' aia ṭha la awm lo

Billboard album chart-ah chuan Drake album 'Views' aia ṭha a la awm lo a, he album hi kar liam ta chhung khan hralh hnem ber a la ni thei cheu.

Drake hian kar liam ta chhung khan a album hit 'Views' hi copy 111,000 lai a la hralh thei cheu a, chawlhkar kua zawrh hnua copy nuai khat hralh tlin chu a har ve hle ṭhin a, zaithiam tam takin an theih loh a ni. A hralh zawng zawng aṭanga copy 25,000 hi album pangngai a ni a, a hma ang bawkin streaming equivalent-ah a hlawk leh hle. Streaming equivalent album hi copy 67,000 zet hu a ni.

Heti hian Drake chuan Marshall Mathers LP hmanga Eminem-a'n nihna ropui a chelh chu a rawn khum ta. Hip-hop album zinga pakhatna ni ngun pathumna hi Marshall Mathers LP kha a ni ṭhin a, tunah chuan Drake hian a rawn khum ta a ni. A hmaah pahnih an la awm a, Vanilla Ice album 'To the extreme' chu chawlhkar 16 chhung, kum 1990 aṭanga 1991 chhung khan pakhatna a ni. Hip hop album zinga pakhatna ni zawn rei ber chu MC Hammer album, 'Please Hammer, Don't hurt 'em' kha a ni a, kum 1990 khan chawlhkar 21 chhung pakhatna a ni.

Hei bakah hian Billy Ray Cyrus-a hnua Billboard 200-a mipa zai≠thiam, a zawna pakhatna hauh rei thei ber a ni. Billy Ray Cyrus, Miley Cyrus pa hian 'Some Gave All' album hmangin chawlhkar 17 chhung pakhatna a lo luah tawh a ni.

Billboard album chart

"Views" - Drake (111,000)

"Lemonade" - Beyonce Knowles (48,000)

"True Sadness" - The Avett Brothers (46,000)

"Blurryface" - Twenty One Pilots (38,000)

"Anti" - Rihanna (37,000)

The "Hamilton" Soundtrack - Various Artists (36,000)

"25" - Adele (33,000)

"Epic AF" - Various Ar≠tists (28,000)

"The Getaway" - Red Hot Chili Peppers (28,000)

"Thank You" - Meghan Trainor (27,000)