Zonet-ah Tour de Reiek

Mizoram on Two Wheels cross country expedition vawi 3 na, Tour de Reiek (part one) chu naktuk zan hian Zonet Zawlbuk ah tihchhuah a ni ang.

Part One ah hian MoTW riders pariat ten Reiek Tlang an panna kawnga an thil tawnte kan hmu thei dawn a ni. Hei bakah hian Dihmunzawla PHE Department, Aizawl Water Transmission Sub-Division-in tui an pump hmaa an tihthianghlim dan bengvarthlak tak te, Reiek kawng hring mawi taka cycling te leh Tlawng lui kama an che vel te tihlan a ni ang.

Mizoram on Two Wheels hian boruak rimchhia pe chhuak lovin, thirsakawr hmangin Zoram hmun hrang hrang an fang kual ṭhin a, nikum

lam khan Sailam khua leh Chalfilh tlang te an lo tlawh tawh a ni. Kan ram tihchereu mek, ram zim leh hring mawi tak si hi humhalh zel an duh thu an tlangaupui ṭhin.

Tour de Reiek part one hi Ailawng khaw luh hma deuhin a tawp a, part two-ah chuan fur khaw n‚l hnuaiah Reiek tlang chhip an thleng chho hram lai hmuh tur a awm dawn a ni. MoTW Tour de Reiek-ah hian National championship-a medal eng emaw zat lo la tawh Nelson Constantine Hoover pawh a rawn tel a ni.