Luke Bryan studio album 8-na tur 'Mind of A Country Boy'

Country superstar, Luke Bryan chuan September 27 hian a studio album pariatna, 'Mind of a Country Boy' a ti chhuak dawn. He album-ah hian hla 14 awmin, heng zinga mi 'Love You, Miss You, Mean It' leh 'Closing Time in California' chu a lo ti chhuak tawh a ni.

Bryan hian kum li hnua album a tih chhuah leh hmasa ber tur niin, he album-a hlate buatsaih tur hian hun thawl a inpek thu a sawi. A album thara hlate hi a range pawh a zau dawn hle niin a tarlang. Bryan hian 'Mind of A Country Boy Tour' hi nei mekin, September 14-ah a khar ang. August 21 hian ACM Lifting Alives Award hlan a ni dawn bawk. Bryan hi Franklin, Tennessee-a Williamson Medical Centre tan a thawhhlawk hle bawk a, hei vang hian he hospital-a wing thar an siam chu amah leh a nupui bakah Brett Boyer Foundation hming chawiin an phuah.