UK chart top 25-ah kar 3 awm thei Jimin 'Who'

BTS member, Jimin chuan United Kingdom-ah record ṭha tak a siam leh ta. A single 'Who' chu UK Official Single Chart-ah No 4 niin, chart-ah a thlen san ber ṭum a ni. Hei bakah Top 25-ah kar thum chhung he hla hi awmpui tawhin, Korean soloist zingah he dinhmun thleng thei hmasa ber a ni.

Jimin hian 'Who' hi July 19, 2024-a a tih chhuah a ni a, UK-ah hian a chet ṭhatpui hle. A zawnin a kar thumna atan Official Singles Sales chart leh Official Singles Downloads chart-ah No 1 a nihpui mek bawk. A solo album 'MUSE' chuan spotify-ah stream mtd 200 nei tling tawh bawkin, kumin chhunga K-pop solo zingah stream mtd 200 nei rang ber a ni bawk a ni.