OTT-ah 'Kalki 2989 AD' ti chhuak dawn

Kumina Indian film chhuak zinga thawm nei lian, Prabhas, Amitabh Bachchan, Deepika Padukone leh Kamal Haasan-te channa, 'Kalki 2898 AD' chu OTT lamah pek chhuah a ni dawn.

Mythological epic, 'Kalki' hi May 9, 2024 khan theatre-ah tih chhuah ṭan a ni a, box office lamah a thawm a ring a, India bakah ram pawn lamah pawh a che ṭha hle. Khawvel huapa a sum lak luh hi Rs vbc 1,000 a tling tawh. Theatre lamah hun eng emaw chen chhuah a nih hnuah, August 23, 2024 aṭang hian Amazon Prime Video-ah pek chhuah a ni dawn nia tarlan a ni. Telugu, Tamil, Malayalam, leh Kannada ṭawngin dah a ni ang. Hetih lai hian Hindi version erawh Netflix India-in a ti chhuak dawn nia sawi a ni thung a, mahse a chhuah hun tur hi sawichian a la ni ve lo thung.