Abhishek-a'n an inṭhen nia thu thang a chhang

Bollywood actor, Abhishek Bachchan chuan a nupui, Aishwarya Rai Bachchan nen an inkar boruak a ṭha lo hle a, an inṭhen nia thu thang awm chu Bollywood UK Media-in a kawmnaah chhangin, nupui neilai a nih thu a sawi a, a inneih zungbun a bun pawh a tilang bawk.

Abhishek chuan an nupa chungchang an rinthua an lo sawi mai ṭhin chu pawi a ti hle tih a sawi a, an chanchin sawi an duhin an phuahchawp mai ṭhin tih chu a hrethiam tho tih a sawi tel. "Celebrity kan ni a, kan lo tawrh mai zel a ngai a ni," a ti. Abishek hian Instagram-a inṭhen chungchang thu ziak a like hnuah an nupa hi an inṭhen nia sawi thawm hian a rawn zawm a, hei bakah hian Ambani wedding-ah a hran ve ve a an kal avangin sawi zui an hlawh phah hle a ni.