Miley Cyrus hnenah Disney Legend nihna hlan

Anaheim, California-a D23 event neih zawh takah Miley Cyrus chu chawimawina hlanin, Disney Legend-ah puan a ni. Disney Legend-a puan zinga naupang ber a ni bawk.

Kum 31 mi, 'Hannah Montana' alum, Cyrus hi event tawp zan, Pathianni zan khan he chawimawina hi hlan a ni. Disney Legends awards program hi Disney legacy atana thawhhlawk tak takte tana buatsaih a ni ṭhin. Chawimawina hlan tawh zingah hian Christina Aquilera, Stan Lee, Betty White leh Oprah Winfrey te pawh an tel. Cyrus chuan a lawm thu sawiin, 'Hannah Montana' a ni chu a la inchhuang reng tih sawiin, a chawimawina dawn chu Hannah leh a fan-te tan bakah, a suangtuahna tihpuitlin saktute tan a hlan tih a sawi. Disney Channel comedy “Hannah Montana” hi kum 2006 khan tih chhuah ṭan niin, season li a awm a, 2011 thleng a chhuak a ni. Cyrus hi he show bakah 2009-a Hannah Montana: The Movie ah a chang zui a, 2011-ah Best of Both Worlds tour a nei zui leh bawk a ni.