Squid Game 2 teaser a chhuak ta

Netflix chuan nimin khan Squid Game 2 teaser a ti chhuak a, Season 1-a champion leh dam khaw chhuak awmchhun, Lee Jung-jae chu 30-second clip ah hian kan hmu leh e. Ani bakah tracksuit hringa inthuam, an hmel lang lo player dangte pawh rawn lang bawk.

Squid Game 2 hi December 26 hian tih chhuah a ni dawn a, director Hwang Dong Hyuk chuan 2025-ah Season 3 tih chhuah a ni dawn tih a lo sawi tawh bawk. September 17, 2021-a chhuak Season 1 kha Netflix-a series en hlawh ber a ni bakah, ram 94-a programme en nasat ber a tling. Chawimawina hrang hrang pawh a dawng a, Primetime Emmy Award nomination 14 zet hmuin, heng zingahhian Outstanding Drama Series pawh a tel a ni.