Kristian film thar - 'Doctor Fanu'

Bawngkawn Chhimveng Branch KṬP-in KṬP Kumpuan 'Krista tana danglam ngam' tih hmanga film an siam, 'Doctor Fanu' tih chu February 27, Inrinni zan khan KṬP Rorel Inkhawm, Mission Vengah Synod senior executive secretary Rev. Lalzuithanga'n a tlangzarh.

Film siamtu KṬP branch-te hi Central KṬP-in film tawi siama inelna an buatsaiha ‘Guardian Angel’ hmanga lawmman pakhatna dawngtute an ni a; tun ṭuma Kristian film an siam leh pawh hi en a man hla hle tura ngaih a ni. He film-a OST hi uluk taka siam a ni a, Israela, Is-a tia koh chuan a sa a, a hranpa tihchhuah tuma rawtna a awm mek.

Film hi Rs. 150 man a ni a, mi lei sa copy chhawn tum mai lo a, lei ve ngei turin Bawngkawn Chhimveng KṬP-te chuan an ngen a, Synod Bookroom leh Purple Haze-ah lei tur a awm a ni.