Drake Ropuian chart-ah record ropui a siam

Canadian rapper Drake chu a album thar hmangin hlawhtlinna ropui a chang a, Billboard Hot R&B/Hip-Hop Songs chart-ah history a siam a, chart-a hla lang hnem ber a ni.

Hot R&B/Hip-Hop Songs chart-a top 50-ah hian Drake-a hla 21 ngawt a awm a, top 50-a mi pakhat hla lang hnem ber record a siam. A album thar 'If You're Reading This It's Too Late' aṭangin hla pasarih ngawt Hip-Hop Songs chart-ah hian a lan belh a, a hmaa lang sate nen hla 21 lai chart-ah hian a nei ta a ni.

A hmaa Hot R&B/Hip-Hop Songs chart-a hla nei hnem ber record siamtu hi amah tho a ni a, ṭum khatah hla 14 a nei a, a album tihchhuah hnuah a hla dang pasarihin a rawn belh leh a, ama record siam tho a khum a ni.

Drake-a album thar hi R&B/Hip-Hop Albums-ah pakhatna a hauh a, a hla mal zingah erawh pakhatna hauh thei tak erawh an awm lo. Nicki Minaj nen, Lil Wayne leh Chris Brown te nena an sak, Only chu a thleng sang ber a, palinaah a awm a, Lil Wayne leh Nicki Minaj te nena an sak Truffle Butter chu panga niin, a mala a sak, Energy chu pakuanaah a awm.

Canadian rapper zingah chuan tunlaia hlawhtling ber leh khawvelin a ngaihven ber a ni. Drake hian N. America a chiah hle.