'Red Hot Chili Peppers' in tour an khar ta

'Red Hot Chili Peppers' chuan multi-year, multi-continent "Unlimited Love Tour" chu hlawhtling takin an zo a, show 86 neiin ticket mtd 3.4 zet an hralh. Kum 10 chhunga rock tour neih zinga ticket hralh tam lamah pathumna ni phain, Coldplay leh Elton John te chiah an pha lo a ni.

Tour hi June 2022 khan Sevilla, Spain -ah nei ṭanin, Europe, North America, Asia, Latin America, leh Oceania an fang a, July 2023-ah Maryland Heights, Missouri-ah a tawpna an neih hnuin, Los Angeles-a 2024 Olympics Closing Ceremony-ah a kharna an nei a ni. US leh Canada leg-ah concert chhimtu hi tam thei berin, hetih lai hian Australia leh New Zealand-ah per-show ticket sale a ṭha ber thung a, chawhrualin show vawi khatah entu 47,326 zel nei ang an ni. London Stadium-ah an show chu mipui an tamna ber niin, ticket 142,000 zet an hralh. "Unlimited Love Tour" hi Chili Peppers hian full stadium tour an neihna hmasa ber a ni a, kum 2002-03 a tour an neih ai khan chhimtu hi a let 3.5 in a tam zawk. Kum 1985-a din an nih aṭangin, Red Hot Chili Peppers hian show vawi 498 an nei tawh a, ticket mtd 8.6 an hralh a ni.