Gaming company Krafton-in Tango Gameworks lei

South Korean gaming firm, Krafton chuan Tokyo-a game studio, Tango Gameworks chu alei tih a sawi a, a leina sum zat erawh puanzar a ni lo.

Krafton hi BGMI maker Krafton India parent company a ni. An inremna angin Tango Gameworks developer te pawh an kutah an awm nghal dawn a, hei bakah hian rhythm-action game, Hi-Fi Rush pawh an nei nghal dawn a ni. Tun ṭum hi Japanese video game market-a investment pui tham an tihna hmasa ber niin an tarlang. Kum 2010-a din, Tango Gameworks hian survival horror series The Evil Within leh action-adventure game Ghostwire : Tokyo te a lo hit pui tawh a ni. Kum 2021 khan Microsoft Xbox Studio chuan USD tld 7.5-a ZeniMax Media a leinaah lei telin, Tango chu Microsoft-in Japan-a development studio a neih hmasak ber a ni. Mahse Microsoft hian studio hi khar a tum tak avangin Krafton hi rawn langin a lei ta a ni. Company neitu inthlak avang hian studio-in game a siam - The Evil Within, The Evil Within 2, Ghostwire: Tokyo, leh Hi-Fi Rush game-ahte engmah nghawng a nei dawn lo tih an tarlang.