Sawiselnain Australian breakdancer Raygun a tibuai lo

2024 Olympics Games neih zawh takah breakdancing-ah Australia aiawhtu, Rachael Gunn, 'Raygun' ti a sawi bawk lam dan chuan sawizui leh fiamthu thawh zuina atana hman a hlawh nasa hle a, internet lamah pawh a breakdance lai video hi a viral nasa hle a ni.

Raygun dance move dangdai tak - kangaroo hop, toe touch leh headspin te chuan judge-te a hmin vak lo a niang, match pathumah point engmah a score lo a ni. Thenkhatin a lam dan dangdai tak chu an fak laiin, ṭhenkhat erawh chuan technique engmah awm loah an puh a, engtinge Olympic-ah a chhuah phak te an ti hial. Hetianga sawisel leh nuihzatna nasa tak a tawk chungin, Raygun chuan hengte hian a tibuai lo a, technique bon tak tak aiin, ama style dangdai tak hmanga invawrh chhuah a tum tih a sawi a, danglam bik nih chu a hlau lo tih a sawi.