2024 MTV VMA sem hun tur sawn

2024 MTV Music Video Awards sem hun tura September 10 ruat tawh chu, US presidential candidate pahnih, Kamala Harris leh Donald Trump-ten debate an neih hun tur nen a in ang avanin Award sem hun hi September 11-ah sawn a ni.

MTV hian Award sem hun tur sawn anih thu a puan rualin, a thawh khatna atan perform turte a puang bawk. VMA-a perform tur puan zinga mi Chappel Roan, Sabrina Carpenter, GloRilla, Camila Cabello leh Rauw Alejandro te an ni. Presenter leh performer bakah special guest turte pawh puan belh leh thuai a la ni ang. Perform tur puan hmasak mi pangate hi 2024 VMA nominee vek niin,Carpenter hian nomination paruk a hmu a, GloRilla hian pathum, Roan leh Alejandro ten pahnih ve ve leh, Cabello hian nominaton pakhat a hmu bawk. September 11, Nilaini hian New York-a UBS Arena aṭangin tih chhuah a ni dawn a, tun ṭum hi kum 2001 hnuah 9/11-a show an neihna hmasa ber tur a ni.