'Benga' a en theih dawn ta

Mizo film thar, crime leh action genre inpawlh, 'Benga' chu zanin aṭangin en theiha chhawp chhuah a ni dawn ta. He film-ah hian Mizo film lama kan la hmuh ngai loh tak, thiltihtheihna danglam tak nei Benga kan hmu dawn a ni.

Thuneitu sangten hlawkna duh vanga an thuneihna dik lo taka hmanga, dan leh mipui pawisa loa mahni hmasial taka pawi an khawihna karah, dik taka thil tih duhtu Benga chu tum loh deuhin an buainaah a inhnuk lut a, dan bawhchhiatna hriat chhuah chu amah ngeiin chinfel tumin a bei chho a ni.

'Benga' hi David Ruata direct leh ziah a ni a, Lada Picture chu producer a ni. A changtute hi film lama kan hmelhriat larte ni lem lo mah se an part an hneh tlang a, hei bakah a plot dangdai tak vang hian en a chakawm zual hle. Zanin dar 8 aṭangin Lersia Play-ah lei theih a ni dawn a, a man tlawm ber Rs. 177 leh a man to ber (Full HD) Rs 354 a ni ang.