'Mamma Mia!' an siam chhunzawm leh dawn

'Mamma Mia!' franchise chu a pathumna siam a ni leh dawn niin actress Christine Baranski chuan a sawi a, London-ah producer Judy Karmer pawh a hmu tawh tih a sawi.

Baranski chuan a film pathumna hi Greek emaw, Croatia island-ah emaw an chan a beisei tih sawiin, cast leh crew-te pawhin nuam an ti hle dawn a ni, a ti. A film hmasaa changtute - Meryl Streep, Amanda Seyfried, Pierce Brosnan, Colin Firth, Stellan Skarsgard leh Dominic Cooper te nen chan ho leh a chak thu a sawi bawk. Official-a puan chu la ni chiah lo mah se third installment chu a awm ngei dawn nia ngaih a ni tawh a ni. "Mamma Mia!" franchise hi khawvel huap pawhin lawm a hlawhin a hlawhtling hle a, a hmasa ber "Mamma Mia!" (2008) khan box office-ah USD mtd 694.6 la lutin, a film pahnihna "Mamma Mia! Here We Go Again" (2018) khan USD mtd 400 chuang a la lut a ni.