Fan-ten Taylor Swift leh Ed Sheeran lim an sawisel

Hamburg, Germany-a Panoptikum Museum chuan wax figure an dah thar pahnih - Taylor Swift leh Ed Sheeran te lim an pho lan chu social media lamah an fan-ten an sawisel nasa hle.

Panoptikum Museum hian music icon-te chawimawina turin an lim hi siam ni mah se, fan tam takin an mi lim siam hian an ang tawk lo niin an sel nasa a, ṭhenkhat phei chuan ang lo an ti lutuk chu an ṭahte a chhuak ti tein an sawi zui. Hetih lai hian ṭhenkhat erawh chuan an fak ve tho bawk. Swift leh Sheeran-te wax figure hi sculptor Lisa Buscher siam a ni. Panoptikum Museum hi Germany-a wax museum upa ber a ni a, khawvel mi lar 120 chuang lim dah a ni tawh a, an zingh hian historian leh politician te pawh an tel a ni.