BLACKPINK-in an virtual concert hun an sawn

K-Pop group huhang ngah tak Blackpink chuan kumin kum tawpa virtual concert buatsaih an tum 'THE SHOW' chu South Korea rama hripui kai an pun thar leh avangin thla khatin an sawn hle.

Blackpink hian YouTube thawhpuiin December 27 hian 'THE SHOW' virtual concert hi buatsaih an tum a, ticket pawh an zuar chhuak hman hial. Mahse tun hnaiah SKorea-ah Covid-19 hripui kai an pung chho nasa hle a, hemi vang hian SKorea sorkar chuan khuahkhirhna dan thar a siam a, chumi a nih avang chuan Blackpink pawh hian an concert hun tur hi January 31, 2021-ah an sawn ta a ni.

Jisoo chuan,"Kan BLINK-te a hma thei ang bera hmuh kan chak hle, mahse Korean COVID-19 prevention guideline zawma him taka awm a ṭul avangin THE SHOW December 27-a neih tura kan ruahman tawh chu nakkum January 31-ah kan sawn a ngai ta a ni," tiin a sawi.

Blackpink hian an show sawn chungchang hi an social media account-ah an tarlang chiang tawh bawk.