UK-ah Madonna a hlawhtling

Kum 56 zet a ni tawh a, music khawvelah chuan Madonna tluka hlawhtling hi an tam lo hle. A awm dan leh eng eng emaw chu sawisel ṭhin mah se, tun thlengin Madonna hi a la hlawhtling a, UK-ah phei chuan Madonna record siam ang siam thei hi an awm lo.

UK single chart-ah Madonna hla, Living For Love chu pakhatnaah a awm a, hei nen hian Madonna hian UK single chart-a, top 40 china hla a neih 71-na chiah a ni ta a ni. He hla hi March 1 khan UK chart-ah 26-naah a rawn lang. UK chart history-a hmeichhe zinga top 40 hla zinga hla nei hnem ber a ni.