Billboard pangngaiah Drake a ropui

A hmain Billboard-a hip-hop chart huang chhunga record siamtu a nih thu kan tarlang tawh a, Billboard chart pangngaiah pawh Drake hian ropuina a hmu chho zel. Music khawvela kum ruk chhung a zin kawngah Drake hian mellung pawimawh tak a phun leh ta.

Canadian rapper Drake hi tunah hian Billboard Hot 100, single chart pangngaiah a hla 14 ngawt a lang a, kum 51 kaltaa The Beatles-in record an lo siam tawh chu a nihrualpui ta chiah a ni.

Billboard Hot 100-ah hian ama mimala a zaina bakah Nicki Minaj nena an sak dun Only leh Truffle Butter te, I LOVE MAKONNEN nena an sak Tuesday te, Big Sean nena an sak Blessings te a tel.

Hapta tlem te kalta khan miin an beisei loh leh, sawilawk em em awm loin Drake hian If You're Reading This It's Too Late album a tichhuak thut a, a hlawhtling em em. He album hi ni nga chhung lekin copy nuai 5 zet an hralh hman a ni. Tuna Billboard-a a hla lang zinga thleng sang ber chu Nicki Minaj nen, Lil Wayne leh Chris Brown te nena an sak, Only kha a ni a, tunah hian 16-naah a awm mek.