Murder mystery film 'The Maid'-ah Florence Pugh

Khawvelin a nghahhlelh Black Widow film tihchhuah tura Yelena Belova lema chang Forence Pugh chu Universal Pictures film tur murder mystery film 'The Maid'-ah a chang dawn.

'The Maid' hi Nita Prose lehkhabu ziah beh­chhan­a siam a ni dawn a, Universal lam pawhin hemi chungchang hi tichiang tawhin 'The Maid' lehkhabu film-a siam tur hian rights pawh an nei tawh tih a sawi.  

Studio lamin an tarlan dan chuan The Maid hi awmpui pakhat Molly chanchin niin, mikhual room zawng zawng fai taka enkawl ṭhin a ni a, chutih rual erawh chuan an mikhualte thuruk chu a hre thung a; chumi avanga buaina thleng chho vel chu a ni dawn a ni.

Florence Pugh hi Out­law King-a Elizabeth de Burgh lema chang kha niin Midsommar leh Little Women vangtein hriat a hlawh zual hle a, Avengder Endgame-ah Black Widow-a thih bawk avangin Marvel phase 4 chinah chuan Black Widow role a chan chhunzawm rin a ni bawk a, hollywood lamah chuan boruak a nei lian chho dawn hle niin a lang.

BIFA Award for Best Actress hialte pawh lo dawng tawhin Academy Awards dawng thei tura hming chhawp chhuah, nominee zingah pawh a hming a lo lang tawh bawk.