Micromax-in Motorola phone an el

Motorola-in Moto E an tihchhuah hnu lawka hemi el pha ngei tur, a man tlawm lamah pawh tlawm si chu Micromax chuan an tichhuak dawn tih an sawi ve leh nghal.

Micromax phone tihchhuah tur hi Rs. 6,999 chauh tur a ni a, Moto E ang tiat chiah a display pawh a ni a, chu chu inchi 4.5 a ni. Mahse Moto E ai hian FWVGA resolution a hniam zawk thung. Micromax dang­lamna tur chu a him lehzual nan a display hi Cor­ning Gorilla Glass 3-a tuam hnan leh a ni. Operating system-ah chuan Android thar ber, Lol­lipop (Android 5.0) a hmang ang.

Quad core processor a ni ang a, a clock speed hi 1.3GHz a ni ang. A RAM hi 1GB tur a ni. Hmalam camera-ah hian Canvas Fire 4 a hmang ang a, a hnunglam camera-ah hian 8MP lai a ni ang a, a hmalam hi 2MP tur a ni. Memory lamah chuan 32 GB thlengin a tihlen theih ang. Apps install sa a awm nual dawn a, chung zingah chuan Clean Master, Snapdeal leh Quikr te hi a langsar an ni. Online-a hralh chhuah thuai a ni ang.