DotA-ah cheat vangin an hrem

Khelh ngama khel ve ta sa sa, cheat hman leh hi chu a zia lo lam deuh hret a ni. Cheat avang hian tunhnai khan Peru rama DotA team pakhat chu hrem an ni.

Peru DotA team ṭha zinga mi, Union Gaming chu Canada Cup-a Team Fire nen an inkhelh ṭumin cheat an hmang a, hei vang hian thla ruk chhung atan DotA inelnaa tel thei lo tura hrem an ni.

Canada Cup-a Team Fire nena an inkhelhnaah Union Gaming hian cheat an hmang nia hriat a ni a, complaint thehluh a ni. He thil hi nikum August thlaa mi tawh kha a ni. Uluk takin an inkhelh dante video-ah enlêt leh a, chhui zui a ni a, a tawpah chuan an cheat ngei a ni tih hmuhchhuah a ni a, hrem an ni ta a ni.

Hun danga an lo tel tawhna ṭhinah pawh Union Gaming hian rinhlelh an lo kai fo tawh a, an chhui chiang a, cheat hi an lo hmang ṭhin ngei tih hriat an ni ta a ni. He team hi South American team zinga hrem hmasak ber an ni.