Star Wars 'Boba Fett' actor Jeremy Bulloch a thi

Original Star Wars trilogy-a Boba Fett lema chang English actor Jeremy Bulloch chu Ningani khan kum 75 mi niin a thi.

Jeremy Bulloch hi hun eng emaw chen chu Parkinson natna vei tawhin Ningani khan damdawi-inah a thihpui ta a ni.

Star Wars film The Empire Strikes Back leh Return of the Jedi-a  bounty hunter Boba Fett lema a chan avang khan hriat a hlawh hle a, James Bond film Octopussy-ah pawh khan inlanin BBC TV series Doctor Who-ah pawh khan a chang ṭhin bawk.

Kum 1958 leh kum 2015 inkarah khan Jere­my Bulloch hi film 30 chuangah a inlan a, TV show 30 vel zetah a inlan hman bawk a ni.