Grammy a dawn loh avangin Iggy Azalea a lawm!

Mi tam takin Grammy award an dawn loh avangin hrehawm an ti ṭhin a, mahse Iggy Azalea erawh chuan Grammy a dawn loh avangin a lawm hle thung.

Thla hluia Grammy Awards sem takah khan Azalea hi Hip-hop/Rap huang chhungah a lang a, category pali laiah langin, chung zingah chuan Best Rap Album pawh a tel. Mahse award a dawng ta lo a, ui leh hrehawm ti angin a awm miah lo a, a chhan a sawi chhuak ta.

Azalea chuan award kha lo dawng ta se chuan amah hawtuten an sawisel nasa dawn lutuk a, chu chu ngaihthlak a peih loh leh ngaihthlak hrehawm a tih ber tur a ni tih a sawi. Khatianga engmah a dawng ta lo kha amah sawiseltuten sawiselna tur an neih loh phaha nuam a ti hle zawk a ni. Azalea hian internet vela an sawisel peih lutuk a nih avangin social media ṭhenkhat chu tunhnai khan a bansan a nih kha.