Blurred Lines aṭangin Thicke-an sum a lalut hnem

A hit bawk a, a hlawhtling bawk a, Robin Thicke chuan a hit, Blurred Lines aṭangin sum a lalut hnem hle.

Copyright chungchangah he hla hi tunah hian court-ah khel mek a ni a, hetah hian Thicke hian a hla aṭanga hlawkna a hmuh dan zawng zawng a tarlang a ni. Blurred Lines aṭang hian Thicke chuan USD mtd5.6 zet a hlep a, a hlêp pumpui thung chu USD mtd 16.6 a ni.

Kum 1970 chhoa zaithiam, Marvin Gaye fate chuan Blurred Lines hi an pa, Marvin Gaye-a hla hit, Got To Give It Up nen a inang hle a, an pa hla ṭhenkhatah a zep nia ngaiin court-ah thu an thehlut a ni.

Court hian he hla aṭanga hlawkna USD mtd16.6 hi a chhep hrang thliah a, Thicke hian USD 5,658,214 a la a, Pharrell Williams chuan USD 5,153,457 a hlawh a, TI thung hian 704,774 a hlawh a ni. Gaye-a chhungte hian he hla hi an pa hla ruk a nih avangin he hla aṭanga hlawknaah hian chan neih ve an phut a ni.

Thicke hian Blurred Lines chungchangah hian court hmaah he hla an siam lai hian a rilruah Gaye a awm lo a, a hla pawh a ngaihtuah chhuak lo hrim hrim tih a sawi a, ama irawm a ni a ti.