BMPS khel tur Rip Mizo Gaming

Battleground Mobile India buatsaih Battleground Mobile Pro series chu August 20, 2024-ah khelh a ni dawn a, he tournament-ah hian Mizoram aṭangin Rip Mizo Gaming chu sawm a nih angin an tel ang. Grand Final hi Lan Event-a khelh tur niin, September 26 - 29 chhungin Kochi, Kerala-ah khelh a ni ang.

Rip Mizo Gaming hi BMPS khel tura Mizo team sawm hmasak ber leh awmchhun an ni. Anni pawh hian BMPS hi an vawi khat khelhna tur niin, round 1 aṭangin an khel ṭan dawn a ni. Rip Mizo Gaming hian Krafton lam aṭangin duhsakna an dawng nasa hle a, BGIS ahte pawh sawm bikah an lo tel tawh bawk. Tun ṭum hi official tournament vawi ruk an hmachhawnna tur a ni a, an thlen san ber chu kum 2020 kha niin BGIS-ah semi-finalist an ni.

Battleground Mobile Pro Series hi 2 crore prizepool niin he tournament khel tur hian India rama esports team ṭha 128 chu sawm bikah telin Rip Mizo Gaming pawh hi sawm bikah an tel. Rip Mizo Gaming hian hei hi official tournaments vawi 6 an hmachhawn na tur niin an thleng san ber erawh kum 2020 khan niin BGIS ah Semi-Finalist an ni a Mizo esports Team ah chuan achievement ngah pawl tak an ni.

Tun dinhmunah Rip Mizo Gaming line-up hi IGL Bza Pachuau(Rip FlickYT) in a ho dawn a, BGMI huangah experience tam tak nei tawh a ni. Player senior leh achievement nei ṭha Lalkhawngaihsanga (Nirvana) leh experience player Kenneth Khobung (Kenny) te an la awm bakah tun dinhmuna Mizo zinga player ṭha ber pawl tih ngam Lalbiakhlua (Chaser) an la kawl tel a, heng bakah hian hma bak nei eng tak pahnih Nunhlimpuia (Hayaati) leh Lalruatsanga (Rolf) te an la awm bawk.