Pro-Palestinian activist-ten 'Snow White' boycott an duh

Disney film thar, 2025-a tih chhuah tur 'Snow White' teaser trailer hmasa ber tih chhuah a nih hnuah, Israel dodaltu leh Palestinian thlawptu activist-te chuan he film-ah hian Israel actress Gal Gadot a chan ve avangin boycott an tum.

'Snow White' trailer a chhuah hnuah social media lamah 'Snow White' boycott tura sawmna hi an thehdarh a, Gal Gadot chu trained killer, Israel sipaiah pawh lo ṭang tawh a ni ti tein an sawi zui a ni. 'Wonder Woman' Gal Gadot hian a ram, Israel a thlawpna thu hi a sawi lang fo a, October 7, 2023-a Palestinian firfiak, Hamas-ten Israel an beih chungchangah pawh Israel tan a ṭawng chhuak fo a ni. Celebrity zingah Gadot chauh hi Juda/Israel mi a nih avanga beih tawk a ni lo a, American Jewish reggae musician, Matisyahu pawhin Israel dodaltu lamin an vau avangin US-a concert a neih tur pathum chu a lo ṭhulh phah tawh bawk a ni.