Lady GaGa leh Bruno Mars-ten music video thar ti chhuak

Lady GaGA leh Bruno Mars chuan an fan-te surprise-in, August 15 zan khan an zai dunna music video, 'Die With a Smile' chu YouTube-ah an ti chhuak.

'Bad Romance' hitmaker leh 'Talking to the Moon' singer te hian kum 2/3 vel chu music thar an ti chhuak tawh lo ve ve a, Ningani khan fan-te rin loh takin music video thar hi an rawn ti chhuak a ni. Gaga chuan Bruno Mars nen hian a hmain thawhdun chungchang pawh an lo sawi tawh tih sawiin, zan khat chu a hla siam mek ngaithla turin a studio-ah a sawm a, zanlai dawnah amah pawh kalin zan khuain hla siam leh recording chu an buaipui zui ta niin a sawi. Bruno talent chu ropui a ti hle a, ani ang tumah an awm lo tiin a sawi. Mars pawhin Gaga a thawhpui thei chu a tan chawimawina a ni a, a hla pawh ropui takin a chhuah niin a sawi.