007 thar tur la puangzar dawn lo

James Bond movie boss Barbara Broccoli chuan James Bond fan-te chu social media-a 007 thar tur chungchanga thu dik lo thehdarh lo turin a chah a, Daniel Craig-a James Bond film tawp ber 'No Time to Die' tlangzarh a nih hma chuan 007 thar tur puanzar an tum loh thu a sawi bawk.

Daniel Craig hian 'No Time to Die' hi 007 lema a chan tawpna tur a ni tih a sawi chiang tawh a, chumi hnu lawk chuan social media lamah leh media hrang hrangah a fan-te chuan 007 thar tur an inrinsiak nasa nghal hle a, Mad Max; Fury Road actor Tom Hardy hming a ri ring ber nghe nghe. 

Barbara Broccoli hian James Bond chu mingo kher a nih ṭul a tih loh thu a sawi zui bawk a, hetihlai hian hmeichhia erawh nih tir an tum loh thu a sawi a, Bond hmeichhe version siam ai chuan hmeichhe role thar siam a nih zawk dawn thu a sawi a ni.