Miss Chapchar Kût H. Vanlalhlimpuii

Lunglei Miss Chapchar Kût C. Lalmuanawmi

Mizote kutpui ber Chapchar Kût chu nimin khan hman zawh a ni ta a, kût puala Diktawn chanchinbuin Chapchar Kût Miss kumtina an thlan ṭhin pawhin thlan leh a ni a, kumin, kum 2015-a Chapchar Kût Miss atan H. Vanlalhlimpuii, Ramhlun North thlan a ni.
Chapchar Kût Miss-a thlan, H. Vanlalhlimpuii hi Ramhlun North niin, H. Vanropuia fanu a ni a, ft. 5 leh inchi 6-a sang a ni. Miss Chapchar Kut hian Rs. 10,000 a dawn bakah, thla tin, kumin chhungin Rs. 1000 a dawng ziah dawn a ni. First Runner Up hi Brenda Laldampuii, Lalchawimawia fanu, Chhinga Veng niin, Second Runner Up hi Nathale Zodinpuii, Chawngthantluanga fanu, Chhinga Veng bawk a ni.
Miss Chapchar Kut hian Samsung 3:16 Plan Solution aṭangin washing machine a dawng a, midangte hian Rs. 2,000 ṭheuh an dawng a, citation lehkhabu, photo frame, photo album tihte an dawng hlawm bawk. Miss Chapchar Kût lawmman hi March 12 khian Zonet Studio-ah neih a ni ang a, Home Minister R. Lalzirliana'n a hlan ang. Kumin Miss Chapchar Kûtah hian Faina hi Pathian anna chauh ni lovin, mi puitling nihna a ni, tih chu thupuia hman a ni.
Lungleiah Chapchar Kût pual hian Miss thlan a ni bawk a, Miss Chapchar Kût, Lunglei atana thlan hi C. Lalmuanawmi, Lalchungnunga fanu, Lunglei Salem Veng chu thlan a ni.