Fashion Fiesta

Nimin lamah kan kutpui leh Mizo tena kut azawnga kan lawm leh hlut ber mai kan hmang zo ta bawk a, a chhimtu leh chanvo neitu zaithiam ten thawmhnaw mawi tak tak an ha kan lo hmu awm e. Hun dang ang lo takin Mizo puan leh kan hnam ziarang thawmhnaw lam kan hmuh tam ber ṭum a ni awm e. Khawi emawa puanṭhui satliah ni lo, Zopa ṭawng taka a tre-a traning chhuak ngat mai designers te kutchhuak han hak chhuah phei chuan duhthusam. Tunlai ṭhalai lam leh nutling lam te pawh ti teh ang, a tu a te mai pawh hi designers ṭhui deuh kher hak duhna leh intihhmuhna khawvel a ni tlat tawh. Chuvangin a hma zawnga kan ngaihsan em em lem loh designers nih te hi tunlaiah chuan a hluin a pawimawh tlat tawh.

A hlutna kan hre dawn chauh a, hlut pawh an la hlawh zel dawn niin a lang. Chuvangin designers nih tum leh zir tum ṭhalaite zinga an tam tual tual a, designer ni tur chuan a ngai miau a, thiam leh dangdai ni tur pawn midang tih loh dan deuha tih a ngai nen. India ram hmun hrang hranga zirna in, heng designing course awmna te hi i belchiang dawn teh ang. Hemi line-a kal duh tan chuan a hlawk viau turah ngai ang.

A ṭhat ber vang em em pawh ni lo, ka zir chhuahna nih vang hrim hrimin kan thai hmasa nge. NIFT-ah hian kum 2 Master of Designing, Fashion Marketing, Fashion Technology te leh kum 3 Bachelor of Designing, Accesory K wear leh Leather Design course te zir theihin a awm a. Heng bakah kum 4 course Textile Design leh Apparel Production te zir theihna hmun a ni. Lut duh tan chuan entrance test paltlang phawt a, chumi hnuah interview te a ngai. Vougue (VIFT) Bangalore mi ve thung hian MBA-in Fashion Merchanding leh Retail Management bakah, Design leh Business Management leh Interior Designing thlengin zirna an chhawp chhuak a. BSC Degree hnuaiah Fashion, Textile, Garment Technology, Jewellery Designing and Management, Accesories Design changtlung tak zir theihna ni bawkin, Graduate tan Diploma Programme hengah te leh Computer Aided Fashion Design lamah te pawh a changtlung pawl tak an ni mek a ni. Pawl 12 result marks i hmuh san dan azira heng course te hi zir theih a ni.

Pearl Academy of Fashion Delhi lam ve thung erawh International niin, an hmunpui U.K. a ni thung. Kum 3 chhung Design Fashion Jewellery leh Style-ah te course zir theihin an chhawpchhuak a. Kum 2 M.A. in Fashion and Textile leh Management bakah kum 1 Certificate course Creative Fashion and Technology leh Fashion Promoting and Events te an nei bawk. Luh dan erawh a hautak deuh a, entrance exam stage 2 lai paltlang hnuah interview te tlin chuan a luh theih chauh.

Heng bakah hian School of Fashion Technology, Pune te India ramah a ṭha pawl an ni a. National Institute of Design, Ahmedabad, Govt of India, Ministry of Commerce and Industry hnuaiah kum 4 leh kum 2 diploma in design programme te zir theihin a awm bawk a. Chandigarh lam, International Institute of Fashion Design, Chandigarh te leh Northern India Institute of Fashion Technology, Mohali lam te a ṭha pawl tak an ni bawk. Hengah te hian Master Degree thlenga theih an ni. J.D. Institute of Fashion Technology, Delhi, Wiken and Teigh, Delhi te leh Apeejay Institute of Design, Delhi te hi a ṭha pawl an ni bawk. J.D. ah phei chuan Fashion Photography, Illustration te thlengin zir theih a ni. Apeejay-ah hian Graphic Design, Animation leh Multimedia lam, kan tlangvalte tuina lam deuh te zir theihin a awm bawk. Web Design thlenga zir theihna a ni. Ṭha tak tak leh heng aia changtlung zawk te pawh an awm thei, mahse a ṭha zual ka rawn thailang a ni. Phai lama zir turte tan leh, nu leh pa lam tan heng ka rawn sawi aṭang hian duhzawng lo thlan thiam ve tawh mai tur a ni.

Tluangpuii Hmar
Instructress, VIFT