Mark Hall a cancer Casting Crowns an kal zel ang em?

Kristian band hlawhtling, Billboard chart pangngaia pakhatna vawi tam lo hauh tawh, Casting Crowns-a an an mipa zai ber leh an band khaipa, Mark Hall chu a cancer tih hmuhchhuah a ni a, kar leh khian an zai ang.

Facebook-a Casting Crowns page-ah Mark Hall hian a kal (kidney) veilamah thil ruh tak a awm tih tarlangin, chu chu doctor-ten an enchianin cancer a ni tih an hria a, a kal veilam zawng hi paih a ngai dawn niin a tarlang. March 11 hian an zai ang.

Mark Hall chuan tihdam theih a nih a rinawm thu a tarlang a, a dam leh theih nana Pathian hnena ṭawngṭaipui tur leh, a chhungte Pathianin a thlamuan tura ṭawngṭaipui turin Casting Crowns fan-te a ngen.

Mark Hall-an cancer a nei a ni tih hriat a nih veleh, Kristian zaithiam rualten an tawrhpui thu leh ṭha zel tura an duhsak thu an tarlang nghal nual. Chung zingah chuan Michael W. Smith chuan ṭawngṭaipui turin Twitter-ah a rawn thawh nghal a, a dam chian leh var theih nan i ṭawngṭaipui ang u, tiin a tarlang a ni.

Mark Hall hi an zai a nih chuan eng emaw ti chhung chu music a play thei lo ngeiin a rinawm a, tunah hian a dinhmun hi zirchian belh mek a ni a, a dam chian theih beisei a ni a, chuti a nih chuan Casting Crowns hian music an la play zel theih hmel. Amaherawhchu kumin nipui chhung hi chu an chawlh a ngaih ve hmel khawp mai.