India-a theatre-ah Fifty Shades of Grey an khap

Sawisel hlawh, en hlawh bawk si, Fifty Shades of Grey chu India-ah pawh khap a ni ta. A hmain Indonesia, Malaysia leh Kanye te chuan an lo khap tawh a ni.

India-a censor board chuan Fifty Shades of Grey hi theatre-a tihchhuah a phal lo a, small screen leh DVD-a tihchhuah leh zawrhte chu an khap lem lo a nih hmel viau. An khapna chhan tak hi tarlan a ni chiah lo nachungin, dialogue ṭhenkhat leh sexual explicit vang a nih rin a ni.

India-a censor board leh Modi sorkar hi a tir khan an intithei vak lo a ni awm e. Hei vang hian Modi hian board thar a siam a, tehkhâwng pawh an thlak danglam nasa hle a ni. China-ah pawh he film hi chhuah phal loh chiang sa zinga mi a ni.

Ram hrang hrangah khap a ni a, ram ṭhenkhatah chuan nasa taka censor chungin an chhuah thung. Heti chung hian tunah hian USD mtd 500 vel zet a lalut tawh a ni.