Fak Zaiah a thiam panga a hriat

Mal zai intihsiakna, Pentecost Fak Zai chu a hmawr bawk a hnai zel - Zirtawpni zan khan top 10 intihsiakna chu neih zawh a ni a, August 17, Inrinni khan result puan nghal niin, top 5-a inel tur tihchian nghal a ni.

Fak Zai top 10-te hian August 15 leh 16 zan khan, live music hmangin intihsiakna an nei a, N. Chaltlang tlangval aw pa tak C. Chawngsangzela, Buhchangphai tleirawl zai ngaihnobei Malsawmzuali, Dinthar nula 'confi' leh zaithiam C. Lalruatsangi, N. Mualcheng zaithiam Sylvia K. Ramdinsangi leh Hreichuk lam chhuak, leikapui zai ṭhin Shion Lalbiaknunga te an tling.

General PYD leh L&PB buatsaih Pentecost Fak Zai top 5-te hian August 23, Zirtawpni zanah live music nen intihsiakna an chhunzawm ang a, August 29, Ningani zanah Grand Finale neih tur a ni ang.